MERI MAA KA JAYA AAWAI

झुक ज्या रे मरवा बाग़ मे लपट तेरी आवे लपट तेरी आवे महल गरणावे लपट तेरी आवे महल गरणावे रे छुप ज्या रे चंदा बादल म्ह मेरी माँ का जाया आवे रे छुप ज्या रे चंदा बादल म्ह मेरी माँ का जाया आवे बागां म्ह मोरणी नाच्चे जंगल मे हिरणी माच्चे बागां म्ह मोरणी नाच्चे जंगल मे हिरणी माच्चे ए छेड़ों ने कोयल तान मेरे बीरे की मुरली बाज्जे ए छेड़ों ने कोयल तान मेरे बीरे की मुरली बाज्जे रे छुप ज्या रे चंदा बादल म्ह मेरी माँ का जाया आवे .... या पुरवा पछवा चाल्ले बीरे का गमछा हाल्ले या पुरवा पछवा चाल्ले बीरे का गमछा हाल्ले ए उने करड़ी कसी लगाम बीर का धोड़ा टप-टप चाल्ले ए उने करड़ी कसी लगाम बीर का धोड़ा टप-टप चाल्ले रे छुप ज्या रे चंदा बादल म्ह मेरी माँ का जाया आवे ........ अंबर म्ह बादली गरजे घोड़े की काठी लरजे अंबर म्ह बादली गरजे घोड़े की काठी लरजे रे मत बरसो इंदर राज मेरी माँ का जाया भीज्जे रे मत बरसो इंदर राज मेरी माँ का जाया भीज्जे रे छुप ज्या रे चंदा बादल म्ह मेरी माँ का जाया आवे ...... मन्ने दूर ते दिया दिखाई मैं रेशम डोरी ल्याई मन्ने दूर ते दिया दिखाई मैं रेशम डोरी ल्याई ए बीरे का पोंचा गोल भाण मन्ने पकड़ी भाज कलाई ए बीरे का पोंचा गोल भाण मन्ने पकड़ी भाज कलाई रे छुप ज्या रे चंदा बादल म्ह मेरी माँ का जाया आवे ... ख्याल तेरा गाऊं प्यार तेरा पाऊं ख्याल तेरा गाऊं प्यार तेरा पाऊं रे मैं जब तक जीउं बीर मेरे तेरी सुन्नी बाहं सजाऊं रे मैं जब तक जीउं बीर मेरे तेरी सुन्नी बाहं सजाऊं रे मैं जब तक जीउं बीर मेरे तेरी सुन्नी बाहं सजाऊं तेरी सुन्नी बाहं सजाऊं........तेरी सुन्नी बाहं सजाऊं